Uncertainty at Paghahanap sa kuwento ng batang si Carlito

Hanggang ngayon hindi ko makita ang clue sa magiging takbo ng kasaysayan ng ating bida. Napakakaunti ng mga detalyeng ibinabato ng ulo ko bagamat matagal na itong nakakahon. Mahirap kalaban ang sariling nagdedebate sa kanya ring sarili ... sabi ng isa si Carlito raw ang magbubukas sa pusong sugatan ng kanyang lolo at ang isa naman ay nagtatanong papaano ito mangyayari? Hindi pa nga siguro hinog ang kasaysayan ng ating bida. Pero sana mahinog bago umabot ang Abril ng susunod na taon dahil ipapakilala ko na siya sa ilang mga tauhan ng mundong ito.